Мөрөн Сумын Засаг даргын А302 дугаар захирамжаар байгуулагдсан сумын 2024-2034 он хүртэлх дунд хугацааны авто замын мастер төлөвлөгөөг шинэчлэн боловсруулах ажлыг хэсэг өнөөдөр 3 дахь удаагаа хуралдлаа.

Өнөөдөр Мөрөн сумын ИТХ-ын дарга Л.Баярхүү, сумын ИТХ-ын Нарийн бичгийн дарга Т.Мягмарсүрэн нар 14 багийн Иргэд нийтийн хурлын дарга нартай уулзалт зохион байгуулж баг дээр тулгамдаж байгаа асуудлын талаар хэлэлцлээ.

2024 оны 11 дүгээр сарын 06-ны өдөр Мөрөн сумын ИТХ-ын дарга Л.Баярхүү 14 багийн Засаг дарга нартай уулзалт зохион байгуулж цаг үеийн асуудал болон хамтын ажиллагааны талаар зөвлөлдлөө.

Өнөөдөр сумын ИТХ-ын дарга Л.Баярхүү, Засаг дарга Х.Тайванбаяр нар Ерөнхий боловсролын 8 сургууль болон Насан туршын боловсролын төвийн захирал, 15 цэцэрлэгийн эрхлэгч нартай уулзалт зохион байгуулж 2024-2028 онд хийж хэрэгжүүлэх ажил болон цаашдын хамтын ажиллагааг сайжруулах талаар хэлэлцлээ.

Аймаг, нийслэл, сум, дүүргийн иргэдийн Төлөөлөгчдийн Хурлын 9 дэх удаагийн сонгуулийн дүнгээр байгуулагдсан Хөвсгөл аймгийн ИТХ-ын Анхдугаар хуралдаан өнөөдөр буюу 2024 оны 11 дугаар сарын 01-ний өдөр аймгийн ЗДТГ-ын "Соёмбо танхим"-д 100 хувийн ирцтэйгээр зохион байгуулагдаж байна.

Өнөөдөр Мөрөн сумын иргэдийн Төлөөлөгчдийн Хурлын дарга Л.Баярхүү сумын ИТХ-ын даргаар ажиллаж байсан төр захиргааны ахмад ажилтан А.Цогзолсүрэн, А.Цэрэндулам болон Нарийн бичгийн даргаар ажиллаж байсан Г.Төмөр нарыг урьж уулзалт хийлээ.

Хөвсгөл аймгийн ЗДТГ-ын “Соёмбо” танхимд Мөрөн сумын иргэдийн Төлөөлөгчдийн Хурлын 9 дэх удаагийн сонгуулийн анхдугаар Хуралдаан зохион байгуулагдаж байна.

Сумын ИТХ-ын анхдугаар Хуралдааны хэлэлцэх асуудлын дагуу иргэдийн Хурлын даргыг сонгох асуудлыг хэлэлцэж хуралдаанд оролцогч 28-н Төлөөлөгчдөөс санал хураан 96,4 хувийн саналаар Мөрөн сумын иргэдийн Төлөөлөгчдийн Хурлын даргаар Лхагвасүрэнгийн Баярхүү томилогдлоо.

Мөрөн сумын Засаг даргад 71.4 хувийн саналаар Хадбаатарын Тайванбаяр сонгогдсон тухай тогтоолыг аймгийн Засаг даргад уламжлахаар боллоо.

Мөрөн сумын Засаг даргын А/276 тоот захирамжын дагуу “Бүх нийтийн хог хаягдлын цэвэрлэгээ”-ний ажил хийгдэж байна.

Мөрөн сумын иргэдийн Төлөөлөгчдийн Хурлын 2024 ээлжит сонгуулийн санал хураалтын дүн, төлөөлөгчөөр сонгогдсон тухай тогтоолыг өргөн барьлаа.

2024 оны 09 дүгээр сарын 25-ны өдөр сумын ИТХ-ын ээлжит XXIII “Хүндэтгэлийн хуралдаан” болж байгаа бөгөөд хуралдаанаар дараах асуудлыг хэлэлцэнэ.

Хурлаар дараах асуудлыг хэлэлцлээ. ✅Сумын 2024 оны төсөвт тодотгол оруулах тухай ✅Иргэнд 2025 онд өмчлүүлэх газрын хэмжээ байршил, зориулалтыг тогтоож дэмжих тухай ✅Хөрөнгө актлах тухай зэрэг асуудлыг шийдвэрлэлээ.

Монгол Улсын Их Хурал, Жeндeрийн Үндэсний Хороо болон Ховд аймгийн ЗДТГ-аас хамтран “Тогтвортой хөгжилд эмэгтэйчүүдийн манлайлал” үндэсний форумыг 2024 оны 09дүгээр сарын 16-ны өдөр Ховд аймагт зохион байгуулж байна.

Өнөөдөр Ховд аймагт болж буй “Тогтвортой хөгжилд эмэгтэйчүүдийн манлайлал” үндэсний форумын 3 дахь Панeл хэлэлцүүлэг явагдаж байна.

Өнөөдөр Хөвсгөл аймгийн ЗДТГ-ын "Соёмбо" танхимд хойд бүсийн "Хариуцлагатай уул уурхай" өдөрлөг зохион байгуулагдаж байгаа ба тус өдөрлөгийн хүрээнд "Уул уурхайн салбарын бодлого" "Хариуцлагатай уул уурхайн" зэрэг сэдвүүдээр хэлэлцэж байна.

Өнөөдөр Хөвсгөл аймгийн ЗДТГ-ын “Соёмбо” танхимд Мөрөн суманд олгогдож буй газар олголт, иргэд аж ахуйн нэгж байгууллагаас ирүүлж буй гомдол мэдээллийн дагуу Аймгийн иргэдийн Төлөөлөгчдийн Хурлын 03 дугаар сарын 27-ний 09 дүгээр тогтоолоор байгуулагдсан ажлын хэсгийн хяналт, шалгалт хийсэн талаарх тайлан мэдээлэлтэй танилцах, хууль тогтоомжийн хэрэгжилтэд хяналт тавих зорилготой eрөнхий хяналтын сонсгол эхэллээ.

“Парис-2024” зуны олимпын наадмын жүдо бөхийн эмэгтэйчүүдийн 48 кг жингийн мөнгөн медальт, 2024 оны Ази тивийн аварга, Душанбе Их дуулга тэмцээний аварга, Абу-Даби-2024 Дэлхийн аварга шалгаруулах тэмцээний алтан медальт, ШШГЕГ-ын Сүлд спорт хороо, Үндэсний шигшээ багийн тамирчин Б.Баасанхүүг 2024 оны 08 дугаар сарын 14-ны өдөр Мөрөн сумын ИТХ-ын дарга Б.Нямдаваа, Засаг дарга Х.Тайванбаяр болон сумын ИТХ-ын Нарийн бичгийн дарга Т.Мягмарсүрэн, ЗТГ-ын дарга Г.Нэргүй, Засаг даргын орлогч Ч.Батсүх нар хүлээн авч хүндэтгэл үзүүллээ.

ХАВАРЖИЛТЫН НӨХЦӨЛ БАЙДАЛД ҮНЭЛГЭЭ ХИЙХ АЖЛЫН ХЭСЭГ СУМЫН 4 ЧИГЛЭЛД МАЛЧИН ӨРХҮҮДЭЭР АЖИЛЛАЖ БАЙНА. ✅ Мөрөн сумын ИТХ-ын даргын 09 дугаар захирамжийн дагуу 2024 оны 03 дугаар сарын 10-11-ний өдрүүдэд сумын ИТХ-ын төлөөлөгчдөөс бүрдсэн ажлын хэсэг хаваржилтын нөхцөл байдалд үнэлгээ хийж сумын 4-н чиглэлд ажиллаж байна. ✅ Энэхүү ажлын хүрээнд Мөрөн сумын ЗДТГ-аас өрнүүлж буй Хаваржилтын нөхцөл байдал хүндэрсэн малчин өрхүүдэд тусламж үзүүлэх "МАЛЧДАД ТУСЛАХ" аянд нэгдсэн албан байгууллага, ААН-ын тусламжийн эд зүйлсийг малчдад хүргэсэн ба одоогийн байдлаар Хаваржилтын нөхцөл байдал харьцангуй гайгүй, малын хотонд төлийн дуу цангинаж эхлээд байна.

АЛБАН ХААГЧИЙН ГҮЙЦЭТГЭЛИЙН ТӨЛӨВЛӨГӨӨГ БОЛОВСРУУЛЖ БАТЛАХ, АЖЛЫН ГҮЙЦЭТГЭЛ, ҮР ДҮН, МЭРГЭШЛИЙН ТҮВШИНГ ҮНЭЛЭХ ЖУРАМ